چوخ قیسا دئییم، منجه آمریکا هم نیروگاه اتمی بوشهری ووراجاق، هم بوتون اورانیوم زنگینلشدیرمه تاسیساتلارینی. ایران دا، عراق یا دا سوریهده بیر ایکی چؤلو ووراجاق. دوامی یوخدور، بو قدر. سونرا یئنه حیات قالدیغی یئردن دوام ائدهجک.
ایرانین ایچینده نه اولاجاق؟ هیچ بیر شئی. جمهوری اسلامی اورانیوم زنگینلشدیرمه تاسیسلرین وورولدوغونو انکار ائدهجک، یالنیزجا نیروگاه اتمی بوشهرین ورولدوغونو آنلاتاجاق، اونا قارشی دا، محتمل عراق یئرینه بو سفر تورکیهنین کنترلونداکی سوریهده بیر یئرلری ووراجاق. بو شکیلده هم آمریکایا قارشی هم ده تورکیهیه قارشی ناغارا چالاجاق. جمهوری اسلامینین ایچینده تورکیهیه قارشی چالینان ناغارالارین مشتریسی، اسرائیله قارشی چالینان ناغارالاردان داها چوخدور.
بو شکیلده هر ایکی طرف موطلو-مسعود ایشلرینه دؤنهجک. آمریکا و اسرائیله گؤره، اورانیوم زنگینلشدیرمه تاسیساتلاری یوخ اولدوغو اوچون جمهوری اسلامینین وارلیغینین هیچ بیر تهلکهسی اولمایاجاق و جمهوری اسلامینین دوامینین سایهسینده گئنیشلهمه و اورتادوغونو کنترل ائتمه پروژهلرینه دوام ائده بیلهجکلر. جمهوری اسلامی ده هم آمریکایا باش ایمهدیک و مقاومت ائتدیک دییه ناغارا چالیب رانتجی طرفدارلارینی اقنا ائدهجک. هم ده بوشهر و دیگر تاسیسلرین وورولدوغو اوچون اتم قونوسونو سسسیز صداسیز بیتیرجک.
او زامان شنبه گونو نهیی دانیشاجاقلار؟ آمریکا هارالاری ووراجاق، قارشیلیغیندا ایران هانکی چوللری ووراجاق، مدیایا نئجه آنلاتاجاقلار و تحریملر نه قدر غیر رسمی شکیلده آزالاجاق قونوسونو شفاهی شکیلده آنلاشاجاقلار. آردیندان آنلاشمادیق فالان فیلان دییهجکلر.
Bir yanıt yazın