یالنیز بیر اشغالچی دولت، وطن و میلتینی سئون انسانلاری زندانا آتار. یالنیز بیر اشغالچی دولت، وطن و میللت سئوگیسیندن باشقا هیچ بیر گناهی اولمایان ایگیدلری حقسیز یئره توتوب، عدالتسیز محکمهلرده محکوم ائدیب، زندانلاردا اؤلومه بوراخار.
اعتصاب غذا، زندانین میلهلری آرخاسیندان، میللی حقلر و عدالت اوچون مقاوت ائدن سارسیلماز بیر روحون هاراییدیر. اعتصاب غذا، شرفلی بیر مقاومتدیر و انسان حیثیتینین سون سیغیناغیدیر. بدنی سپر ائتمک اینانجین سون قلعهسیدیر.
اونلار یوز ایللیک فارس فاشیزمینه قارشی سسسیزلیغیمیزین هزینهسینی، بوگون اؤز بدنلری ایله وئریرلر. اونلار بیز گونئی آذربایجان تورکلرینین شرفینین قورونماسی اوچون اؤز بدنلرینی سپر ائدیرلر.
بو اعتصاب اونلارین خصوصی بیر مسئلهسی دهییل، تورکلرین حقلری و وارلیغینی قوروماق اوچون شرفلی بیر مقاومتدیر.
اونلار یالنیز دهییل، شرفلی تورک میلتی اونلارین آرخاسیندادیر و بو گون بو ارادهنین گؤستریش زامانیدیر. بوگون سسسیز قالماق زامانی دهییل. نئجه کی میللتیمیزین قهرمانلاری دا بیر بیر آیاغا قالخیر و اونلارین بو فداکارلیغیندان الهام آلاراق حرکته گئچیرلر، بیز ده سسسیز قالمایاق.
اعتصاب غذانین ساغلیق اوچون گئری دؤنولمز ریسکلری اولدوغو اوچون، هر گون و هر ساعت چوخ اهمیتلیدیر.
بوگون آذربایجانین اؤز ایگید اولادلارینا صاحب چیخما گونودور.
Bir yanıt yazın