بیر گون بیر درویش مسجده گئدیب، باغیراراق دییر کی: “بو مسجددهکی هرکس بیر حیوان کیمی آشاغیلیق و حقیردیر”. مسجددهکیلر بیر بیرینه باخیب باشینی ساللار. بعضیلری هیچ اوستونه آلماز، بعضیلری حتی درویش حقلیدیر، میللت پوزولدو دئیر. بیرآز سونرا درویش مسجددهکی لاپ بویوک آدامین یانینا گئدر و گؤزلرینین ایچینه دیک دیک باخیب بارماغاینی سینهسینه دایاییب “سن حیوان کیمی آشاغیلیق و حقیرسن” دئیر. آدام حیرصلنیب باغیرار “سن منه توهین ائتدین سنی اؤلدورهجم”. درویش گولوب دییر کی: “بیرآز قاباق دا عینی توهینی ائلهدیم و سن باشینی ساللادین. آما گؤزوم گوزونه باخاراق عینی توهینی ائدینجه، اؤزونو جماعتدن آییریبی من اولدون و ناراحات اولدون. جماعتین ایچنده توهینلر سنه توخونمادی چونکو اورتاقلارین واردی آما تک باشینا قالینجا حقیقت بیر اوخ کیمی قلبینه ساپلاندی.”
بوگونکو وضعیت بودور، فارسلار، تورکلره توهین ائتدیکلرینده، هامیمیزا، هامیمیزین آناسینا، حتی اؤزلریندن بیلدیکلری، کریم باقری و علی دایینین آناسینا دا توهین ائدیردیلر، آما اونلار اؤزلرینه آلمیردیلار. بو توهینلر اونلارین دا هم اؤزونه و هم ده آنا بابالارینا اولدوغونو اونلارا آنلادماق اوچون، بیری دوروب گؤزلرینه باخیب، بارماغینی سینهسینه قویوب عینی توهینی ائتمهلیایدی کی بو غفلتدن اویانیب اوزلرینه گلسینلر و من اولسونلار
Bir yanıt yazın