ایراندا هر جور دهییشیکلیک اولسا و ماسا قورولسا، ماسایا ذاتا آذربایجان آدینا بیر نئچه ساتقین یئرلشدیرهجکلر. گئچن یوز ایلده بونو چوخ گؤردوک. مشروطه انقلابیندان سونراکی ماسادا دا گونئی آذربایجانلی ساتقینلار واردی، 57 انقلابیندان سونراکی ماسادا دا گونئی آذربایجانلی ساتقینلار واردی. ایکیسینده ده آذربایجان وار گوجو ایله قیام ائدیب ان چوخ قانی وئرمیشدی. آما ماسایا اوتوردولان آذربایجانلیلاری، آذربایجانی ساتماق اوچون اتوردموشدولار. سیز او ساتقینلاردان بیر اولماق اوچون یاریشیرسینیز می؟ او ماسایا ساتقین دیشیندا هانکی صفت ایله اتورا بیلرسیز کی؟
ائله بیر ماسایا گونئی آذربایجان خالقینی تمثیل ائدن گونئی آذربایجان دولتینین بیر نماینده هیئتی اوتورار، اونلارین سئچدیغی اوچ بئش ساتقین دهییل. یعنی ماسادان اؤنجه بیزیم دولتیمیز اولمالیدیر و او ماسا دولتیمیزی رسمیته تانیمالیدیر. اونلار گونئی آذربایجانین دولت حقینی بوگون رسمیته تانیمیرلارسا، حاکیم اولدوقلاریندا ندن تانیسینلار؟ گونئی آذربایجان بو یولو دا بیلیر و امتحان ائدیب، فرقه زمانی گونئی آذربایجان دولتینین رسمی نمایندهلری تهران ایله بیر ماسایا اوتوردو، خودمختارلیق اوچون آنلاشدی. آنلاشمایی دا هم تبریز مجلیسی هم ده تهران مجلیسی تصویب ائتدی، آما گئنه ده فارس حاکمیت ماسایی ییخدی، گونئی آذربایجانا حمله ائدیب اشغال ائتدی و بیلدیغینیز قتل عالاری ائتدی.
تک چارمیز، اونلار بیربیری ایله ساواشیر کن، بیز اؤز دولتیمیزی قوروب باغیمسیزلیغیمیزی اعلان ائتمکدیر، اونلارین بیرینین یانیندا دوروب اوبیری ایله ساواشیب، بوش یئره قان وئرمک دهییل.
Bir yanıt yazın