جمهوری اسلامی تئز-گئج گئدجک، بوندا هیچ کیمین شکی یوخدو. آما جمهوری اسلامیدن سونرا داها دیکتاتور و داها فاشیستی بیر حکومتین گلمهیهجهیینی ده هیچ کس گارانتی ائدهمز. کیمسه جمهوری اسلامینین گئتمهسینین قاباغینی آلا بیلمز. آما اوندان سونرا گلهجک حکومتین نئجه اولاجاغینی بوگون تعیین ائتمک اولار و گونئی آذربایجان بونو چوخ دوغرو آنلاییر و بو گونه قدر چوخ دوغرو آددیملارلا آنلایشینی گوستریب. گونئی آذربایجان بوگون گؤستردی کی گرچک بیر میللتدیر و بیر بوتونلشمیش میللت عاغلی و دولت عنعنهسینه صاحبدیر. بوندان سونرا ایکی سناریو اولا بیلر:
1- مرکزیتچی اوپوزیسیونون اساس تشکیلاتلاری و باشچیلاری، گونئی آذربایجانین میللی دولتینین وار اولاجاغینی قبول ائدر، جمهوری اسلامینین ییخیلماغی سیراسیندا و اوندان سونرا، مرکزیتچی نیرولارین گونئی آذربایجانا گیرمهیهجهیینی و گونئی آذربایجان اؤزو اؤزونو کنترل ائدهجهیینی و باغیمسیزلیق رفراندوم حقینی قبول ائدیب، بونو عموما آچیق بیانیهلرده اعلان ائدرلر. او زامان گونئی آذربایجان دا اونلارلا هماهنگ، آما یالنیز گونئی آذربایجان بؤلگهسینده حرکته گئچیب، دولت ارگانلارینی اله گئچیریب میللی دولتینی قورار. مرکزیتچیلر ده ایرانین قالان بؤلگهلرینده کنترلو اله گئچیررلر.
2- مرکزیتچی اوپوزیسیون باشچیلاری، ایندیکی کیمی دوام ائدر و گونئی آذربایجان قاتیلماز. اونلار بیر بیری ایله ساواشیب، قان توکوب قان وئررلر. هم جمهوری اسلامی، هم ده مرکزیتچی اوپوزیسیون ایچ ساواشدا قانا بوغولوب، کفایت قدر ضعیفلهدیکدن سونرا، گونی آذربایجان آیاغا قالخیب اؤز سرنوشتینی اؤز الینه آلار و میللی دولتی و باغیمسیزلیغینی اعلان ائدر
منجه بو ایکی سناریو خارجینده، گونئی آذربایجانین قاتیلماسی یا دا گونئی آذربایجان خالقینی قاتیلمایا چاغیرماق یانلیشدیر و گئچن یوز ایل باشیمیزا گلنلرین تکراریدیر.
Bir yanıt yazın